Life in The Womb Episode 2 by Mummy E
Written by the writer of the story THE COMPLETE WOMAN
Andrea walked up to Bovi and Agu were sitted and greeted them. Bovi immediately started laughing.
Andrea: Bovi why you day laugh?
Bovi: Na which kain question be that? I nor fit laugh again?
Andrea hisses at him and turns to face Agu who also started laughing.
Andrea: Even you? Why you con day laugh now?
Agu: you feel say I be Bovi? I go tell you. Shay be when Paul and e wife were on the verge of conceiving you form say na you sabi run pass. Upon all the beg when I don beg you say I like go earth, you take off run leave all of us, you day form fastest and longest leg you run go enter her belle, you reach there finish you lock the door, make another person nor enter. Now you go earth finish you rush come back, same way you go. Why we nor go laugh.
Andrea: na my fault? Daddy na talk am say when we see man and woman when don day in the process of taking in, as them open door make we begin run and try to enter, e say who enter finish make e close the door for nine months, until that person come down for earth the door nor go open again, na my fault? When I see the Paul them I feel say them go take care of me naim I run go, I nor do bad o, I only follow daddy instruction as a good child.
Bovi: Good child, which person instruction you con follow take come back here. You for stay there na.
Andrea: I don commot , you fit go now I nor go stop you.
The boys burst into laughter as they kept mocking Andrea.
Andrea: But see ehn, Juliet get luck o, na enjoyment she day for earth o.
Bovi: serious? Oya gist me
Andrea: Abeg nor be wetin I fit talk jhoor. That girl get luck. The mama and papa when born am ehn, them don day find girl sinceeeeee, so as them born Juliet ehn, them won use enjoyment pieces her.
Agu: Chai, na that kain papa and mama I day find o.
Andrea: Naim be say you go look well well before you enter any womb.
Agu: Before nkor, I go look well.
Andrea: when I day womb ehn, na so I day enjoy, anything when I want them go just give me, if my mama try am eat wetin I nor like, I go push am commot e belle, she go day vomit. I really enjoy but when them con born me, na so I make the thing easy o, thinking say enjoyment continue, instead na suffer I con day suffer. So as I just see opportunity to come back na so I just grab am.
Bovi: How?
Andrea: After them quarrel my daddy nor gree give my mommy money to buy kerosene o to take boil water make I take baff. Na so my mama Carry cold water baff me, cold begin catch me. Fever pass there enter, I just reason am say instead make I day suffer like this, make I just come back. Na so I just take give up o. Take come back here.
As they were discussing, they saw Tboy coming with blood all over his body.he was crying.
Bovi: ah ah tboy, why you day cry? Wetin day do you? Why blood full your body like this?
Agu: where you for day come? Shay you don enter womb last month na, how come you day here?
Tboy: Nor mind the stupid girl when suppose be my mama, after all those race when I run take enter her womb close the door, this girl say she nor want me she con push me out.
Andrea: How?
Tboy: suffer won kill me for the one month when I day womb. She nor go give me food, so so water. No matter how I bite am reach, this wicked girl go drink only water. Small time she go swallow those medicine when day pepper me but I go perch for corner, all the medicine no one day reach me. Instead na she belle go day worry. Naim today o, I just day, day sleep in hunger o, before I know needle begin shook me o. Cut all my body anyhow, break the door and push me out by force.
Agu and Bovi burst into laughter.
Bovi: shay na una leg long pass. Na una sabi run pass abi. Hahahahaha
Tboy: Na God go punish that girl when suppose be my mama so. I for kill her o. But I just say make I leave her say na idiot she be.
They all burst into laughter as tboy took his seat beside them.
To be continued!
Written and composed by Excelrhymez
Aka mummy E
DROP YOUR COMMENT
Hahahahahaha
So hilarious???
Comment:i like this play very much that is why i want get it.
I can’t laff